السلام عليكم
انا جربت وصفة جميلة وقلت افيد بيها اخواتى فى المنتدى
(بذرة القطونة ) ايوة اسمها كده
تجيبيها من عند العطار مثلا باتنين جنيه
تاخدى ملعقتين كبار تحطيهم فى طبق معدن
وتحطى فوقيهم شوية ماية سخنة وتقلبيهم كتير
حتلاقى بذرة القطونة بدات تطلع زى مادة لزجة كده دى المفيدة وبتشد الوش وبتأخر من ظهور التجاعيد وبتدى للوش بياض حلو اوى
ولو اسمريتى عليها حيبقى وشك زى الاشطة
نسيت اقولكوا انك ممكن قبل ما تحطى عليها المية تطحنيها بس انا عن نفسى اول مرة نسيت واستخدمتها على حالها كانت كويسة برضه وطلعت المادة الجيلاتينية بتاعتها برضه عادى
والنتيجة هايلة
استخميها مرتين فى الاسبوع
ولو وشك بهتاناوى او فيه اى مشكلة استخدميها يوم ويوم
وتتحط على الوجه من ساعتين لتلات ساعات
ومستنية ردودكوا
تحياتى
السبت فبراير 13, 2010 12:29 pm
