مع الوصفه دى هترتاحوا من زن ولادكم الصغيرين اللى عاوزين دايما وجبه الاطفال بتاع ماكدونالز
اليكم المقادير
فرخه مخليه
بصله مفرومه ناعم
قطعه جنزبيل مفرومه ناعم
5 فصوص ثوم مفرومين
نصف فنجان كاتشاب وزيه مسطرده
فلفله حاميه مفرومه
بطاطسايه مسلوقه
شويه كسبره ناشفه على فلفل اسمر طازه على شويه ملح على بهارات فراخ
الطريقه
انا خليت الفرخه بعدين حطيتها فى الكبه فرمتهاااااااا وكنت مجهزه كل التتبيله على بعضها بعدين حطيتها كلها على الفراخ فى الكبه ومعاهم البطاطس المسلوقه لغايه ما اتكون عندى خليط نااااااااااعم
متخافيش لو كان سايب شويه
هتاخدى شويه من الخليط وكانك بتعملى طعميه اعمليه قرص على فرشه من الدقيق من الوش والضهر دخليه الفريزر شويه بعدين طلعيه تكونى مجهزه بيضه تغمسيه فيها وتغلفيه بالبقسماط وتكبسيه جااااااااااامد وتدخليه الفريزر نص ساعه بعدين يطله تنزليه زيت عميق سخن اوىىىى وبالهنااا والشفااااااااا
بالنسبه لتقديمه ممكن ناكله مع مكرونه او تعمليه ساندوتشاااااااات
تجيبى عيش البرجر تدهنيه مايونيز وتفردى عليه ورق خس وشرايح رفيعه كرنب والبرجر وشويه كااااتشااب ولو تحبى طبقه اومليت رفيعه كمان وبالهنا والشفااااا
أكيد الاولاد حيحبوها ببس اعتراضهم عليه ما كنتش عامله حسابه عارفين ايه الاعتراض
حيسالوا فين اللعبه اللى مع الساندوتش والبيبسى؟
الجمعة مارس 19, 2010 5:34 pm
